X
تبلیغات
زولا
زمان ثبت : سه‌شنبه 9 تیر‌ماه سال 1388 در ساعت 06:26 ب.ظ
نویسنده : تبریزلی بهمن
عنوان : GETMƏ TƏRSA BALASI - SAYIN İSMAİLCƏMİLİDƏN

گئتمه ترسا بالاسی  باخ دالینا سایه گلیر
ترک محراب ائله ییب ماللا کلیسایه گلیر
باخما وار ساققالی عمامه سی تیرمه عباسی
اوزده اسلام دئسه ده مئیلی مسیحایه گلیر
ختنه وغسل .وتیّممم دئییلی مسئله سی
دگیشیب نیّتینی  غیر ایله  سودایه گلیر

اولکودوب باده یه قدرت گؤتوروب بیعتینی
بوراخیب خیمه لری شیمره تمنّایه گلیر
حوکمونو سورماق اوچون لازیم اولان رنگه دوشور
شرّ ایله صلح ائله ییر  خیریله  دعوایه گلیر
نه  حیا خلقدن ائیلیر  نه خدادن اوتانیر
تخت فرعونا چیخیر  سونرا مصّللایه گلیر
ائرمنی داشناق ایله قول بویون اولموش اؤپوشور
قان توکن قاتل ایله خلوتی ماوایه گلیر
ترس تفسیر اولونور سانکی شریعت دئدییی
هر فیریلداغی اوچون وحی اولونور آیه گلیر
شیعه نین عومرو بویو موسیقینی کفر سانان
تار ایله ضرب توتور   سازیله آوایه گلیر
چوخ حرام اولدو حلال
،
 جامی دولاندیر ساقی
بو گون اولمازسا صاباح فیتواسی ودکایه گلیر
یار حیجاب آتما دادیر حوسن جمیل اولسون عیان
بولبول ال گولدن اوزوب    ذٶوق تماشایه گلیر 

QAYNAQ:تریبون سایتی