یاشاسین باغیمسیز آذربایجان

YAŞASİN TAM BAĞIMSIZ AZƏRBAYCAN

یاشاسین باغیمسیز آذربایجان

YAŞASİN TAM BAĞIMSIZ AZƏRBAYCAN

شریعتمداری کیم ایدی ؟؟؟ - م. ارغوان

زامانیمیزا گره کی ر ایچین گئچمیشه دالیرام . او ، گونلری آنیلاییرام کی ، اولایلار ایچینده ، بیر هرکاتچی کیمی وار ایدیم . آنجاق اؤندرسیز هرکاتچیلار اؤز بیلدیکلری قدر ، سوروملولوق داشیییردیلار و داغینیق حالدا ، گئجه نی گوندوزه قاتیردیلار . اؤز اولاناقلاری ایله ، او شهره ، بو شهره یولچولوق ائدیرلر . منده بیر آکتیویست کیمی دوستلاریمین آردینجا گئدیرم . آرا–سیرا دوشوندویوم کیمی یؤنده وئریرم . بو جومله لری آچیقلاییرام کی ، شریعتمداری هرکاتینا قاتیلیشلارین بیریسییم.

بیر باشا قاینار اولایلاردا اؤلوم ایله دؤش دؤشه دایانمشام . هانسی هیسسلر ؟ هانسی دوشونجه لر؟–منه گوج وئریردی بو بو گون اؤزونو آچیقجا گؤستریر . چونکی اولوسال هرکاتین اورتایا قویدوغو باغیمسیزلیک کونوسو گونئی آذرباجانین چیخیش یولودی . گونئی آذربایجاندنین بوتون شهرلرینده کی قانلی اولایلارین تانیغییام .

تبریزین ۲۹ بهمن عوصیانی ، ایران تورکلرینه تاریخی بیر شرف ایدی . آنجاق اولوسال هرکاتین گؤرونمز جانلیلیغینی و گئرچکلیگینی کیمسه آچیقلامامیشدی بو گونه کیمی .
آیتوللاه شریعتمدارینی اؤزل تانیدیغیما گؤره و بیر چوخ توپلانیلاریندا اولدوغوم ایچین او دؤنمدن آچیقلاما وئره جگم .

کیم ایدی آیتوللاه شریعتمداری ؟؟؟

بو آدام ایسلام دونیاسیندا گلیشمیش و بیرئی گؤروشلره قایغی ایله یاناشان بیر موجتئهید ایدی. ایسلامدان بیر سییاسی قیلینج کیمی قوللانماغین قارشیسیندا دورموشدی . آذربایجانلیلار ایله سیخ باغلانتیسی اولدوغو ایچین تورک اولوسونو یاخشی تانیییردی . ایسلام دی نین باشلانقیجیندان بو گونه قدر اونون کیمی بیر دئموکراتیک بیر موجتئهید اولمامیشدی . ائله بونا گؤره ده دئوریم باشلاندیغی گوندن خالق موسلمان هرکاتینی قان ایله بوغدوللار .

ایسلام دئویریمی

ایسلام دئویریمیندن اؤنجه ، گونئی آذرباجاندان قیراقدا یاشایان سویداشلاریمیزین قوروملاری وار ایدی . بونلاری اوچ یئره بؤلمک گره کی ر . روحنایلر ، اوزانلار ، و ادبیاتچیلار .
بو اوچ بؤلومون هوشلو–باشلی آداملاری آیتوللاه شریعتمداری ایله باغلانتیسی ، ایسلام دئوریمینه کیمی گؤز اوخشاییردی . هانسی آماج ایچین اؤنملی دئییل . اؤنملی بودور کی ، بیر آذربایجانلی موجتئهیدین یانیندادیرلار . بو هیسسلر و دوشونجه لر سونوجوندا ، فارسیستاندا یاشای تورکلر موقیمئ آذربایجانلی آدی آلتیندا ، اؤز وارلیقلارینی قورویوردولار . ایسلام دئوریمی عرفه سینده ده ، آیتوللاه شریعتمداریدان اؤیودلر آلیردیلار . ائله بونا گؤره ده خ.م.پ یسی نین یارانماسیندا اؤنملی ایشلر گؤردولر . آنجاق بو عزیزلرین اولوملو اولوسال دوشونجه لری کؤلگه آلتیندا قالمیش ایدی .

او ، زامان آیتوللاهین ائوینه تانینمیش آدالار

گلیب–گئدیردیلر . اونلارین بیر چوخو بو گون ایسالام جومهوریتینده یوکسک گؤروی داشیییرلار . او جومله دن سایین خامنه ای ایله سایین رفسنجانی هفته ده ایکی–اوچ کره آیتوللاه شریعتمداری نین گؤروشونه گلیب ، اؤیود آلیردیلار . اونلارا یؤن وئرنده شهید بئهئشتی اولموشدی. خ.م.پ چیلارین یانیندا آغا خامنه ای اؤزونو خامینه لی تانیدیردیغی ایچین بیر سیرا آذربایجان دینچیلری ساریدان قایغی ایله قارشیلانیردی . دینی اؤندرلی یه یوکسلدیکدن سونرا فارس اولدوغونو بیلدیردی . آرامیزدا بیر فارس دینچیسی وار ایدی .

او ، دئدی :–
–سید علی دؤمبکچینی گؤرنده اورگیم قالخیر !
بیز اونو سوسدورودوک . عینادیندان دؤنمه ییب :–
–گؤزل ناغارا چالیر ، بودا قوصور دئییل . چونکی
دؤممبک چالماق اینجه سنتین ایلگینج بؤلومودی ،
دؤنه–دؤنه دئدی .
دوزو اونو بیر داها سیرامیزا سوخمادیک .

ایسلام دئوریمی سونوجا چاتیقدان سونرا . آیتوللاه خمینی ایله آیتوللاه شریعتمداری اوز–اوزه دایاندی . بیرینه هسه نی ، بیرینه حسینی آدی وئرمیشدیلر . یانی هسنجی بارشچی ، هوسئنچی اوسیانچی کیمی آدلانیردیلار . هر کیسی نین آرخاسیندا میللیونلار موسلمان دورموشدو . او ، دؤنمده آیتوللاه شریعتمداری گون باخیمیندان بیرینجی یئر توموشدی .
آیتوللاه خمینی نین ال–قولو باغلی کیمیدی . چونکی موجتئهیدین ، موجتئهیده قارشی چیخماسی قولای دئییل . اؤزللیک ایله خمینینی اؤلومدن قورتارسین دئیه شریعتمداری اونا موجتئهیدلیک گؤرویسی وئرمیشدی .

او ، زامان اروپا ایله ساوئت بیرلیگی نین یاییم اورقانلاری و رادیولاری سیندیرین قلملری دئین خمینینی بیر ملک کیمی دونیایا تانیدیردیلار . هله ایسلام جومهورییتی میخین برکیتمه میشدی بیله بیر چوخ ایسالمچی و کومونیستچی پارتیلر خومئزنینی اون–اوچونجو ایمام سانیب مدینئیئ فاضیله نی یاراداجاق دوشونجه سی ایله اونا دیر وئریردیلر .

او دؤنمه ده دئوریم قوشاغی دؤرد یئره پارچالانمیشدی .
بیر–آشیری دینچیلر رئژیمی دستکله ییردی .
ایکی–موجاهیدین ایله باشقا دینی جمعیتلرین چئوره سینده کی لر .
اوچ–چئشیدلی کومونیست پارتی و ییغیوالار .
دؤرد–خالق موسلمان پارتیسی

بو اوچ بؤلومون گوندن–گونه گئنیشلنمه سینه ندن ، خمینییچیلرین اولاناغی ایدی . موجاهیدلرین و کومونیستلرین آشیری دینچیلر ایله بیرلشمه سی گونئی آذربایجان تاریخی نین سیلینمز بیر لکه سیدی . بو لکبازلارین اولوسوموزا قارشی دورماسی و یابانجی رادیولارین گونده لیک چاشیرمالاری خ.م.پ ینی کؤلگه آلتینا آلیردی . آیدینلارین خ.م.پ دن اوزاقلانماسینا ندن اولدو . بوتون بونلارا باخمایاراق خمینیچیلر بیرلیگی خ.م.پ چیلردن چکینیردیلر . بو زامان بیرینجی ، ایکینجی و اوچونجی بؤلوملرین خ.م.پ نین چئشیتلی قوللارینا سیزمالاری و اولوسا قارشی گوبود داورانیشلاری آز دئییلدی . بونونلا بیرگه آیتوللاه شریعتمداری ایله یانداشلارینا قارا لکلر پلانلی شکیلده آغیزلارا سالینیردی . خالق موسلمانچیلارا آمریکاچی دئییب ، باغیریدی بو اوچ بؤلوم . ایندی بو اوچ بؤلوم آمانسیز کاپیتالیزمین کؤله سینه چئوریلمیشلر .

او ، زامان قوم و تبریز هرکاتچیلارین اؤنملی قالالاریندان ایدی . گئرچکدن خمینیچیلر ، موجاهیدلر و کومونیستلر سویو پوفله ییب ایچیردیلر . اؤرنک اولاراق ، ایسالم رئژیمی نین آنا یاساسی ، آغا بئهیشی یانیدان اورتایا قویولدوقدا خالق موسلمانچیلارین تپگیسی ایله اوزلشدیلر . آنا یسانین ۱۹ و ۱۵ اینجی ساپلاقلاری خ.م.پ سی نین اورتایا قویدوغو ایستکلردن بیر ایدی.

دئییمیکی ۱۹ و ۱۵ اینجی ساپلاقلار کونوسو اؤنجه دن سادیق قوتبزاده ، آیتوللا ایرانی و مجید کؤزیر بیر توپلانتیدا آیتوللاه شریعتمداری ایله آچیق دانیشمیشلار . اولوسال ایستکلریمیزین باشلانقیجی اولان ۱۹ و ۱۵ اینجی ساپلاقلارین ، آنا یاسادا یازیلماسینا تئهران و تبریز بازارینیندا چوخ امگی اولموشدو .

او زامان ایران آدلانان اؤلکه نین گوج اورقانلاری ساییلان اوردو ، هوقوقچولار و تهلوکه سیزلیک کادریلاریدا اوچ یئره بؤلونموش ایدی . بیرینجی بؤلوم خمینیچیلر ، ایکینجی بؤلوم شریعتمدارچیلار و اوچونجی بؤلومو ایسه پهلویچیلر ایدی قیسا سورج سونوجوندا پهلوی یاندشلاری ایله خمینیچیلر بیرلشدیلر . بو گوج اورقانلارین امکداشلاری دورومون گئدیشینه باخیب ، داورانیردیلار . آنجاق بیر چوخ اوردو افسرلری و ژئنئرالاری سیویل کئییمده
شریعتمداری نین بویروغونو گؤزله ییردیلر . بو سورج بویو یوخاردی دئدیگیم کیمی آغا خامنه ای و آغا رفسنجانی شریعتمداری سارایینا اویه اولموشدولار . آیاقلاریندا لعلئیین ، گون آشیری اونون هوزورندا اوزون–اوزادی دانیشیقلار آپاریردیلار . اونلارین آماجی بو ایدی کی ، شریعتمدیریدان یازیلی دوکومئنت آلسینلار کی ، ایران اوردوسونون گونئی آذربایجان قولو یاراقلارینی یئره قویسونلار .

آیتوللاه شریعتمداری اؤنجه بو کونونو ایله پایلاشماییر و قرنتی ایسته ییر . دوروم گرگینلشیر دئیه خمینی ایشه قاتیلیر . او ، دئییر کی شریعتمدارچیلار یارغی یئره قویمازسالار ، روس اوردوسو آذربایجانی بوباردیمان ائده جک . بو حده لر سونوجوندا شریعتمداری بویروق (فتوا) وئریر یاراقلار یئره قویولسون . بوندان سونرا جوندوللاه ، هیزبوللاه ، موجاهیدین خلق و کومونیستلر عئینی سنگرده بیرلشیب گونئی آذربایجان اولوسونو نیشان توتولار .

قانلی گونلره یاخینلاشیر من و بیر نئچه تبریز گنجیلری قوم شهری نین ۱۶ مئتیر محله سینده خ م پ یانداشلاری ایله بیرگه چالیشیردیق بیر چوخ قاشقایی تورکلریده بیزیمله گئجه گوندولرینی کئچیریدیلر بیر گون ائشیدیک کی حرمده آذربایجان روحانیلری اوسیان قالدیریب تئلئفونلار ایشب دوشو بیز حرمه چاتیقدا اوسیان گئنیشله نیب کوجه لرده ویریش گئدیر خ م پ چیلر گوجو اله آلمیشلار قوم شهری نین دؤولت دایاقلاری قاچمیشلار ایلک اؤنجه زیندانین پایسی آچیلدی و شهر پولیسی گئری اوتوردو گونئی آذرباجانلیلار بوسبوتون شهری اله کئچیریب ایدارئ ائتدیلر اوچ گون شهری قورودوق ماراقلی بوراسیندا ایدیکی بیر جینایت باش وئرمه دی اینسانلارین اوزو گولوردی دؤردونجی گون آقا ایرنی تئلئفون آچیب دئدی موجاهیدین خلق کومونیستلر جوندوللاه و هیزبوللاه یوروشه حاضیرلاشیرلار گئری دونون

تبریزده عصیان باش قالدیردی ، یاخین و اوزاق کندلردن بئلینی ، قازماسینی گؤتورن اوسیانا قاتیلمیش ایدی . بیز اؤنده گئده رک داش ماغازالاردان نوماییشچیلری بیلیوردا ساری یؤنلدیک . بیلییورد اؤیرنجیلریندن بیزه قاتیلدیلار و اؤیرنجیلرین وئردیگی اؤنری ایله رادیو بینسینی دئوره یه آلدیق .
رادیو ایشچیلری دیرنیش گؤسترمه دن قیراغا چکدیلر . رادیو الیمیزددی ، آنجاق وئرلیش آپاران یوخدو . ایلک اؤنجه وئرلیشین باشلانقیجیندا بورا گونئی آذربایجان ، آدنیشیر تبریز سسی اؤلکه میزه یاییلدی . رادیو وئرلیشلرینی آپارا بیلمه ییردیک . بیر نئچه گون او چیغیردی ، بو باغیردی . بیر گئجه ساعات ۱۱ ایدی ، اوجا سسلی بیر پارتلاییش ائشیدیک . رادیونون تئکنیک اوتاغیندا چالیشان بیر توده چی ، رادیو جاهازلارینی پارتلادیر و قاچیر .

بیراز کئچدیکدن سونرا ، سیپاه ، جوندوللاه ، هیزبوللاه ، موجاهیدین خالق چئریکلری و کومونیستلر رادیونو اله کئچیرتمک ایچین یوروشه کئچیرلر . بیز رادیو بیناسینی ترک ائدیک . بو اولایلاردا خالق هرکاتینا قاتیلان یالنیز ، فدایی چئریکلری نین ، اشرف دهقانی بؤلومو اولدو . ائرته سی گون کومونیستلر ، موجاهیدین خلق و بیر چوخ باشقا قوروملارین اویه لری خ.م.پ یانداشلارینا قارشی ، شعبان بیمخ کیمی باسقی یاپیردیلار .

اونلارین یاردیمی ایله سیپاه خ.م.پ بینالارینی اودا چکدی و بیر چوخ سویداشیمیز یارالاندی و توتولب سیپاه کومیته سینه آپاردیلار . همین توتولموشلاردان ۱۱ خ.م.پ چی قوروشوما دوزدو . اونلارین سیراسیندا چوخ تانینمیش آغا ایرانی و مجیت گوزیرده واریدیلر . خ.م.پ هرکاتینا دوشمنجه سینه یاناشانلار ایسه پان فارسیزم کؤله سی سیاسی هیاتلاری خ.م.پ یازغیسینا دوچار اولوب ، قیلینجدان کئچیریلدیلر . 

 

بای بک سیته سی

نظرات 0 + ارسال نظر
برای نمایش آواتار خود در این وبلاگ در سایت Gravatar.com ثبت نام کنید. (راهنما)
ایمیل شما بعد از ثبت نمایش داده نخواهد شد