. |
منه نه اولموش
ثانیه- ثانیه قادینلاشیرام
زامان آیاقلاریمین آلتیندا یئنیلرک
دئیه سن اؤلمه میشم
اورگیم ترپه نیر هله
ثانیه لر ده دایانسا
من دایانمارام
اؤلدوره بیلمه دین منی
من هله وارام …
محکوم
سنی سئومک اولارمی؟
سنین هوسینین محکمه سینده چکیلدی
معصومیتیم دار آغاجینا.
کلفچه لی اللریمله
سنینله دانس ائتمک اولارمی؟
سندن واز کئچمک ده اولماز!
منیم آنا یاسامدا
سنی سئومه مک
یاساقدیر !
بای بک