بای بک-این اؤزل خبری اونایلاندی: پارتلایان طیاره ده سیلاه واریدی

موساوات قزئتی بئله یازیر:

قضایا اوغرایان ایران طیاره سینه دایر سئنساسییا!
تئهران-ایروان رئیسی ایله “حزب الله” اوچون پارتلاییجی داشینیرمیش !

بیر نئچه هفته اول تئهران-ایروان رئیسی ایله اوچارکن قزایا اوغرایان ایران طیارهسی ایله باغلی سئنساسیون معلومات یاییلیب. ایتالییانین “Corriere della Sera” قزئتی نین تهلوکه سیزلیک اورقانلارینداکی منبعیه ایستینادن یازدیغینا گؤره، همین طیاره ده ” حزب الله ” اوچون پارتلاییجی مادده داشینیرمیش. قزا دا طیاره نین یوک یئرینده پارتلاییجیلاردان بیری نین دئتاناتورونون آلیشماسی نتیجه سینده باش وئریب.

خبر وئریلدیگی کیمی، تئهران-ایروان رئیسی ایله اوچان ” تو-۱۵۴ ” طیاره سی قزوین یاخینلیغیندا، هاوایا قالخدیقدان ۱۶ دقیقه سونرا قزایا اوغراییب. بو زامان طیاره ده کی ۱۶۳ سرنیشین و هئیت عوضوو هلاک اولوب. ایران رسمیلری قزانین طیارهنین تئخنیکی ناسازلیق اوزوندن قزایا اوغرادیغینی آچیقلاییبلار. شاهیدلر ایسه طیارهنین هاوادا پارتلادیغینی و یئره دوشدویونو دئییبلر.

ایتالیا قزئتی نین یازدیغینا گؤره، ایران خوصوصی خیدمت اورقانلاری چوخداندیر ایروان اوزریندن ” حزب الله ” آ پارتلاییجی مادده لر و سیلاه اؤتورور. بو دفعه ده همین رئیسله اوچان طیارهیه ” حزب الله ” اوچون موعاصیر پارتلاییجی مادده لرین دئتاناتورلاری یوکله نیب. همین دئتاناتورلارین آغیرلیغی جمعی ۲ کیلوقرام اولسا دا بؤیوک داغیدیجی گوجه مالیکدیر. بیلدیریلیر کی، سوپئرمواسیر پارتلاییجی مادده لری ایرواندان تورکیه یه، اورادان ایسه سوریخ اوزریندن لیوانا چاتدیرماق نظرده توتولوردو. دئتاناتورلارین هانسی سببدن ایشه دوشدویو بیلینمیر، آناق احتیمال اولونور کی، پارتلاییجیلاردا ناسازلیق اولوب.

شاهیدلر تصدیق ائدیبلر کی، اونلار طیاره نین دوشمه سیندن اول بیر نئچه گوجلو پارتلاییش سسی ائشیدیبلر. طیاره دوشدویو یئرده ده بؤیوک پارتلاییش باش وئریب و درینلیگی اون مئتردن چوخ اولان بؤیوک چالا یارانیب. اؤلنلرین ایسه چوخونون جسدلرینی تاپماق مومکون اولماییب. چونکی جسدلرین چوخو یاناراق کول اولوب. 

بای بک