یاتمایاجاقام

 

دیلیمی ساتانا قرشی دایانیب           سوزومی دانیشیب سوسمایاجاقام
محبسه سالاسان آما اونی بیل          کیملیگیمی هیچ واخت ساتمایاجاقام
یالانچی تاریخه مدرک جورسنده          حاقی من بوشلاییب آتمایاجاقام
دیلیمی کسیب سن یاساق ائتسنده        دیلیمدن سوز آچیب یاتمایاجاقام
وطنین سئونه پان تورک دئسنده          گونی گوندن وطنه سئوگیمی آرتیراجاقام
ایرانی بزییب، قصر ائله سنده                 بزه میش دوستاقا آلانمایا جاغام
حاقی سن گیزلدسن یالانلارلادا                  یالانی پوزاجام،حاق آلاجاقام
یوردومی داغیتسان ییخیب ساتساندا         ائلمین گوجویله ینیدن تیکه جاقام
سن گلیب خالقیما قان اوتورساندا              خالقیمی اویالدیب سنی ییخاجاقام
بهمنین دالیجان بوهتان دئسنده           من دا اوز یولومدان هئچ چیخمیه جام