چین تورکیه یی موناسیبتلرین بوزولماسینن تهدید ائتدی

باش نازیر رجب تایییب اردوغانین دونیا اویغور کونقرئسی نین سدری، آ.ب.ش-دا یاشایان رابیعه قدیره تورکیه یه گلمه سی اوچون ویزا وئرمه یه حاضیر اولدوقلارینی آچیقلاماسی چی نین نارازیلیغینا سبب اولوب. چی نین آنکاراداکی مووققتی ایشلر وکیلی خیاو یونزئنق “میللیت” قزئتینه آچیقلاماسیندا ر.قدیرین تورکیه یه سفرینه قارشی اولدوقلارینی دئییب.

او، ر.قدیرین چینده سئپاراتچیلیغا دستک وئردیگینی سؤیله ییب: “وضعیتی ناراحاتلیقلا ایزله ییریک. سینجان-اویغور موختار ویلایتی تورکیه ایله چین آراسیندا علاقه لرین اینکیشافی اوچون کؤرپودور. قدیرین بو حادیثه لری بهانه ائده رک علاقه لریمیزی پوزاجاغیندان چوخ ناراحاتام”. دیپلومات تورکیه نین سنایع و تیجارت نازیری نیهات ارگونون اهالینی چین ماللارینی بویکوت ائتمه یه چاغیرماسیندان تعجوبلندیگینی ده گیزلتمه ییب: “هم نازیر، هم ده تورکیه نین هر طرفینده بویکوت چاغیریشی ایله چیخیش ائدن شخصلر بو حادیثه لرین آرخاسینداکی اسل حاقیقتلری بیلسیدیلر، بونلاری سؤیله مزدیلر”.  

دونیا اویغور کونقرئسی نین سدر موعاوینی، تورکیه وطنداشی سئیید تومتورک ایسه باش نازیر ر.ت.ردوغانین تعلیماتی نین تورکیه نین واشینقتونداکی سفیرلیگینه چاتدیریلدیغینی بیلدیریب: “رابیعه قدیر سفیرلییه گئده رک ویزا اوچون شخصن موراجیعت ائده جک. ویزا موطلق وئریله جک. اونو ایستانبولدا بؤیوک بیر قلبه لیکله قارشیلایاجاغیق”.

قئید ائدک کی، ر.قدیر ۲۰۰۶-جی و ۲۰۰۷-جی ایلده تورکییه یه سفر ائتمک اوچون واشینقتونداکی سفیرلییه موراجیعت ائتسه ده، اونا ویزا وئریلمه ییب.azadliq