یئنیلییین یاز سسیل

سایین اسماعیل  جمیلی:   
قئرمیزیسی
قاراسی ، آغی
بیر  بئزین قیراغی
پاسلی  راسیزمه  پاسپان
دیلی   یالان  ، سؤزو  بوهتان 
الده سیلاح ، آخان  ناحاخ قان
وورولان  زنجیر، دولان  زیندان

دوغرولاری  دوغرایانلار 
آرزولاری قورودانلار
سئرتیق  یئرتیق  اوزلریله
دلیک  دئشیک  سؤزلریله
جها لتی  رذالتی  دوندان  دونا گیردیره نلر
قارا  ، قئرمز   جیندالارین  جیریقلارین  یامایانلار
دیسگینمه دن    ،  اوتانمادان
کاشغار لینین قوتسال  ایپک  دیاریندا  *
نباتینین  ،  شهریارین  تالان  اولان  تورپاغیندا  **
 
جر جنه وار  سورولرین   قودوردورلار
قان سالیرلار    ،   جان آلیرلار

ظلمون  زورو  چاغین چرخین   دوردورانماز
آییق  ، ساییق  یئنی نسلی  اویدورانماز
یئنی  عصرین  نفسیله
یئنیلییین  یاز سسیله
قوتسال  قودورقان  قودوزلار
گوندن  گونه  سارالیرلار   سوزاریرلار
چورویورلر   بوزاریرلار
                                                            

تیریبون سیته سی